1ª xornada do proxecto interdisciplinar de 1º e 2º da ESO.

CRÓNICA DO MISTERIO DAS RÚAS DE MONFORTE DO DÍA 3 DE NOVEMBRO DE 2014

  Como xa informamos, estamos inmersos na semana do proxecto interdisciplinar a desenvolver polos alumnos de 1º e 2º de ESO, O misterio das rúas de Monforte, co cal pretendemos aprender por que se chaman así algunhas rúas da cidade, onde están situadas e o aspecto que tiñan antigamente, que feitos relevantes aconteceron nelas e como se fai unha páxina web colaborativa.

  Onte luns, o primeiro día, tivo lugar a presentación deste proxecto, despois de que os alumnos atoparan no corredor unha recreación da parte antiga de Monforte e na súa mesa, un sobre co plano da cidade e a rúa ou rúas sobre as que tiñan que traballar.

  Durante a mañá buscaron información sobre a etimoloxía e a historia das rúas, así como algunhas curiosidades acontecidas nelas para non vindeiros días incluílas na páxina web.

  E xa pola tarde, recrearon no corredor a rúa Cardeal despois da elaboración duns bosquexos. Actividade moi ben acollida e na que os alumnos destacaban a cantidade de veces que tiñan pasado por esta rúa sen percatarse de todos os detalles que esconde.

  Mañá, continuaremos...